ហេតុ​អ្វី​កម្ពុជា​ចង់​ដក​មន្ត្រី​តំណាង​អ.ស.ប​ ផ្នែក​សិទ្ធិ​មនុស្ស​ចេញ?

ដោយ យន់ សាមៀន

លោក​នាយករដ្ឋមន្ត្រី ហ៊ុន សែន កាល​ពី​ចុង​ខែ​តុលា បាន​ស្នើ​ឲ្យ​អគ្គលេខាធិការ​អង្គការ​សហប្រជាជាតិ លោក បាន គីមូន (Ban Ki-moon) ដក​លោក គ្រីស្តូហ្វ ប៉េស៊ូ (Christophe Peschoux) តំណាង​ការិយាល័យ​នៃ​ឧត្ដម​ស្នងការ​អង្គការ​សហប្រជាជាតិ ទទួល​បន្ទុក​សិទ្ធិ​មនុស្ស​ប្រចាំ​កម្ពុជា​ចេញ បើ​មិន​ដូច្នោះ​​ទេ រដ្ឋាភិបាល​កម្ពុជា នឹង​បិទ​​ការិយាល័យ​នេះ។

Photo courtesy of cambodia.ohchr.org

ការិយាល័យ​ឧត្ដម​ស្នងការ​សហ​ប្រជា​ជាតិ​ទទួល​ បន្ទុក​សិទ្ធិ​មនុស្ស​នៅ​រាជ​ធានី​ភ្នំពេញ

រដ្ឋាភិបាល​បាន​ចោទ​ប្រកាន់​លោក គ្រីស្តូហ្វ ប៉េស៊ូ ថា បាន​បំពេញ​ការងារ​ដោយ​លម្អៀង​ទៅ​រក​គណបក្ស​ប្រឆាំង​នៅ​កម្ពុជា។

តើ​លោក គ្រីស្តូហ្វ ប៉េស៊ូ បាន​ធ្វើ​អ្វី​ខ្លះ​នៅ​កម្ពុជា បាន​ជា​រដ្ឋាភិបាល​ចង់​ឲ្យ​បណ្ដេញ​លោក​ចេញ​ពី​ប្រទេស​កម្ពុជា?

កាសែត​ក្រៅ​ស្រុក​សរសេរ​រិះគន់ នរោត្តម សីហនុ និង ហ៊ុន សែន

ដោយ វោហារ ជាតិ

កាសែត​ខ្មែរ​ក្រៅ​ស្រុក​មួយ បាន​បោះ​ពុម្ព​ផ្សាយ​រិះគន់​អតីត​ព្រះមហាក្សត្រ សម្ដេច​ព្រះ នរោត្តម សីហនុ និង​លោក​នាយករដ្ឋមន្ត្រី ហ៊ុន សែន ថា បាន​បម្រើ​ផលប្រយោជន៍​​នយោបាយ​ប្រទេស​វៀតណាម និង​ការពារ​ជនអន្តោប្រវេសន៍​វៀតណាម ដែល​​កំពុង​រស់​នៅ​ខុស​ច្បាប់​នៅ​ក្នុង​ប្រទេស​កម្ពុជា។

AFP Photo

សម្តេច នរោត្តម សីហនុ អតីត​ព្រះមហាក្សត្រ​នៃ​ព្រះរាជាណាចក្រ​កម្ពុជា។

គណៈកម្មាធិការ​ពង្រឹង​វិស័យ​ច្បាប់ ដើម្បី​ការពារ​សិទ្ធិ​មនុស្ស​នៅ​កម្ពុជា ដែល​មាន​អង្គការ​ក្រៅ​រដ្ឋាភិបាល​មាន​សមាជិក​ប្រហែល ១០​អង្គការ បាន​ចេញ​សេចក្ដី​​ថ្លែង​ការណ៍​​មួយ​នៅ​ថ្ងៃ​ទី​២០​ ខែ​តុលា ឆ្នាំ​២០១០ ការពារ​អតីត​ព្រះ​មហា​ក្សត្រ​ខ្មែរ ព្រះបាទ​សម្ដេច​ព្រះ នរោត្តម សីហនុ ដែល​ កាសែត​អង្គរបូរី ដោយ​សរសេរ​រិះគន់​ព្រះអង្គ រួម​ទាំង​លោក​នាយករដ្ឋមន្ត្រី ហ៊ុន សែន ចោទ​ប្រកាន់​ទាក់ទិន​នឹង​កិច្ចការ​ដឹកនាំ​គ្រប់គ្រង​ប្រទេស​ជាតិ​កន្លង​មក​ ថា ជា​មេដឹកនាំ​ខ្មែរ​មិន​ល្អ។

លោក​បណ្ឌិត ហ៊ាង រិទ្ធី ប្រធាន​គណៈកម្មាធិការ​ពង្រឹង​វិស័យ​ច្បាប់ ដើម្បី​ការពារ​សិទ្ធិ​មនុស្ស​នៅ​កម្ពុជា បាន​បន្ថែម​​លើ​សេចក្តី​ថ្លែងការណ៍​នោះ​ថា ៖ «គេ​ចុះ​នេះ បាន​ព្យាករ​ថា ព្រះ​ករុណា​ព្រះមហាក្សត្រ និង​ព្រះករុណា​ព្រះ​មហា​វីរក្សត្រ​សម្ដេច​ឪ​នេះ ចម្រើន​ព្រះជន្ម​នៅ​ថ្ងៃ​ទី​៣០ និង ៣១ ហ្នឹង​ហើយ។ អ៊ីចឹង គេ​ចុះ​នេះ គឺ​ដើម្បី​ប្រឆាំង ប្រមាថ​មើល​ងាយ ធ្វើ​ឲ្យ​ប្រជាជន​ខ្មែរ​មាន​ការ​ភ័ន្តច្រឡំ​លើ​ព្រះអង្គ»

សេចក្ដី​​ថ្លែង​ការណ៍​នោះ​បាន​បង្ហាញ​អំពី​ស្នា​ព្រះហស្ត​ជា​ច្រើន និង​កោត​សរសើរ​អតីត​ព្រះមហាក្សត្រ​ខ្មែរ ព្រះបាទ​សម្ដេច​ព្រះ នរោត្តម សីហនុ ចំនួន ៦​ចំណុច ចំពោះ​គុណ​បំណាច់​របស់​ព្រះអង្គ ដែល​បាន​ដណ្ដើម​​ឯករាជ្យ​ពី​បារាំង និង​​ការ​ការពារ និង​កសាង​ជាតិ​ជា​ច្រើន​ទៀត​តាំង​ពី​ដើម​រៀង​មក។

លោក​បណ្ឌិត ហ៊ាង រិទ្ធី មាន​ប្រសាសន៍​បន្ថែម​ទៀត ៖ «ហើយ​លើស​ពី​នឹង​ទៅ​ទៀត ព្រះអង្គ​បាន​ដេញ​កងទ័ព​យួន​ឈ្លាន​ពាន​កម្ពុជា ឆ្នាំ​១៩៧៩ ឆ្នាំ​១៩៨៩ ហ្នឹង​បាន​យួន​ត្រឡប់​ទៅ​ប្រទេស​វិញ ហើយ​បន្ទាប់​មក​ព្រះអង្គ​បាន​កៀរគរ​ឲ្យ​អង្គការ​សហប្រជាជាតិ​រៀបចំ​កិច្ច​ ព្រមព្រៀង​ទីក្រុង​ប៉ារីស នៅ​កម្ពុជា​ហ្នឹង ដើម្បី​បញ្ចប់​សង្គ្រាម​ស៊ីវិល​នៅ​កម្ពុជា។ ព្រះអង្គ​បាន​នាំ​មក​នូវ​លទ្ធិប្រជាធិបតេយ្យ​មក​កម្ពុជា ដល់​សព្វថ្ងៃ​នេះ»

ច្បាប់​ចម្លង​សារ​ព័ត៌មាន​អង្គរបូរី ចុះ​ថ្ងៃ​ទី​៣០ ខែ​កញ្ញា ឆ្នាំ​២០១០ ដែល​វិទ្យុ​អាស៊ី​សេរី​ទទួល​បាន បាន​សរសេរ​រិះគន់​ព្រះ​មហា​វីរក្សត្រ​​យ៉ាង​ច្រើន​ក្នុង​ពេល​ដែល​ព្រះអង្គ​ ដឹក​នាំ​ប្រទេស​កម្ពុជា ដូច​ជា​ចោទ​ព្រះអង្គ​ថា បាន​ការពារ​កងទ័ព​វៀតណាម ខាង​ជើង​ចំនួន ៦​សែន​នាក់ ដែល​បាន​ចូល​ជ្រក​ក្នុង​ប្រទេស​កម្ពុជា ក្នុង​សង្គ្រាម​ជាមួយ​អាមេរិក នៅ​ទសវត្សរ៍​ឆ្នាំ​១៩៦០ ហើយ​បាន​ចោទ​ថា​ រដ្ឋាភិបាល​កម្ពុជា​បច្ចុប្បន្ន បាន​គាំទ្រ​អន្តោប្រវេសន៍​វៀតណាម ដូចជា​រដ្ឋាភិបាល​បាន​​រៀបចំ​គម្រោង​ផ្ដល់​ដី​លំនៅឋាន​ឲ្យ​នៅ​លើ​គោក និង​ផ្ដល់​ប្រាក់​ឧបត្ថម្ភ​ក្នុង​មួយ​គ្រួសារ ១​ម៉ឺន​ដុល្លារ​ដល់​​អន្តោប្រវេសន៍​វៀតណាម ដែល​កំពុង​រស់​នៅ​ក្នុង​ទន្លេសាប ក្នុង​ខេត្ត​កំពង់ឆ្នាំង ចំនួន ៤​ពាន់​គ្រួសារ​ជាដើម។

វិទ្យុ​អាស៊ី​សេរី​មិន​អាច​ទាក់ទង​ចាងហ្វាង​កាសែត​អង្គរបូរី តាម​រយៈ​លេខ​ទូរស័ព្ទ​ដែល​ចុះ​នៅ​លើ​ទំព័រ​កាសែត​នោះ​បាន​ទេ នៅ​ថ្ងៃ​ទី​៣១ ខែ​តុលា ដើម្បី​សុំ​ការ​បញ្ជាក់​បន្ថែម ពាក់ព័ន្ធ​ការ​ចុះ​ផ្សាយ​របស់​កាសែត​នេះ។

មន្ត្រី​រដ្ឋាភិបាល និង​គណៈកម្មាធិការ​ពង្រឹង​វិស័យ​ច្បាប់ ដើម្បី​ការពារ​សិទ្ធិ​មនុស្ស​នៅ​កម្ពុជា អះអាង​ថា កាសែត​អង្គរបូរី បោះ​ពុម្ព​ផ្សាយ​នៅ​ប្រទេស​អាមេរិក ក្នុង​មួយ​ខែ​មួយ​លេខ ហើយ​ចែកចាយ​ទៅ​ប្រទេស​នានា ដែល​មាន​ប្រជាជន​ខ្មែរ​រស់​នៅ រូម​ទាំង​មក​ប្រទេស​កម្ពុជា ផង​ដែរ តាម​រយៈ​ប្រព័ន្ធ​អេឡិចត្រូនិក និង​ជួនកាល​ចែកចាយ​​ច្បាប់​ដើម​ផង។

លោក ខៀវ កាញារីទ្ធ រដ្ឋមន្ត្រី​ក្រសួង​ព័ត៌មាន មាន​ប្រសាសន៍​នៅ​ថ្ងៃ​ទី​៣១ ខែ​តុលា​នេះ​ថា លោក​បាន​ដឹង​អំពី​​និន្នាការ​នយោបាយ​របស់​កាសែត​អង្គរបូរី ដោយ​លោក​​ថ្លែង​ថា ការ​រិះគន់​ព្រះ​វីរក្សត្រ​របស់​កាសែត​អង្គរបូរី​នេះ មិន​មែន​ជា​លើក​ទី​មួយ​នោះ​ទេ គឺ​មាន​ជា​ញឹកញាប់​មក​ហើយ ក៏ប៉ុន្តែ​​ក្រសួង​ព័ត៌មាន​មិន​មាន​លទ្ធភាព​ចាត់​វិធានការ​​កាសែត​អង្គរបូរី ​បាន​ទេ ព្រោះ​កាសែត​នេះ​បោះ​ពុម្ព​ផ្សាយ​នៅ​បរទេស ដែល​​ហួស​ពី​សមត្ថភាព​របស់​ក្រសួង។

លោក ខៀវ កាញារីទ្ធ បន្ត​ថា ៖ «ក្រុម​សាធារណរដ្ឋ ក្រុម សុប ប៉ូលិន ក្រុម​អី​ទាំង​អស់​ហ្នឹង។ កាសែត​អង្គរបូរី ជេរ​ស្តេច​តាំង​ពី​ដើម​មក»

ច្បាប់​រដ្ឋធម្មនុញ្ញ​កម្ពុជា ដែល​រដ្ឋ​សភា​អនុម័ត​នៅ​ខែ​កញ្ញា ឆ្នាំ​១៩៩៣ ត្រង់​មាត្រា​ទី​៧ បាន​ចែង​ថា ព្រះមហាក្សត្រ​មិន​អាច​មាន​ជន​ណា​រំលោភ​​បាន​ទេ៕

តុ​លា​ការ​សម្រេច​ឃុំ​ខ្លួន​ពួក​ថត​កុន​ផឹក​ស៊ី​គ្មាន​សីល​ធម៌​បង្ក​ របួស​ ស្នាម​លើ​សមត្ថ​កិច្ច

ដោយ ៖ កោះឯករាជ្យ

តួឯក​ស្រី​ឈ្មោះ​ស្វែង​ សុជា​តា​  របួស​ចំ​ដៃ​ ជនដែលយក​ដំបង​​ទៅ​វាយ​​មន្ត្រី​​សមត្ថ​កិច្ច​បែកក្បាល ពេល​សំរាក​ពួក​គេ​បាន​ធ្វើ​ពិធី​ផឹកស៊ី​នៅ​ក្នុង​វត្ដ នៅ​ក្នុង​បរិវេណ​វត្ត​អធ្វា  បង្ក​ឡើង​ដោយ​ក្រុម​អ្នក​ថត​ភាពយន្តរឿង  «វេនកម្ម»ដែល​នាំគ្នា​ផឹកស៊ី​ស្រវឹង​អួទីនួ​និយាយ​គ្នា​លែង​ស្តាប់  និងកើត​ជំលោះ​ពាក្យ​​សំដី​យ៉ាង​តឹង​សរសៃ​ក​ជាមួយ​ម្ចាស់​ផលិត​កម្ម ស្វែង​ សុជា​តា​  របួស​ចំ​ដៃពេលសមត្ថ​កិច្ចផ្ទុះអាវុធ​ចំនួន​​​ពីរ​គ្រាប់​ដើម្បី​រំដោះ​ខ្លួន ​ចេញពី​ហេតុ​ការ​ណ៍​​
(​រូបថត សំណាង)

តួឯក​ស្រី​ឈ្មោះ​ស្វែង​ សុជា​តា​ របួស​ចំ​ដៃ

 

ខេត្ត​សៀមរាប ៖ ​សាលា​ដំបូង​ខេត្ត​សៀម​រាប​​-ឧត្តរ​មានជ័យ កាលពីព្រឹកថ្ងៃទី​៣១ តុលា ​បាន​សំរេច​ធ្វើ​ការ​ចោទ​ប្រកាន់​និង​ឃុំ​ខ្លួន​ជា​បណ្តោះ​អាសន្ន​មនុស្ស​ ចំនួន​៤នាក់ ក្នុងនោះ​ពី​រ​នាក់ ​ជា​អ្នក​ថត​ភាព​យន្ត​ឱ្យផលិត​កម្ម «សាវីន​ប្រូ​​ដាកសិន» និង​ពីរ​​នាក់ទៀត​​ជា​ក្រុម​អន្ធ​ពាល​ពី​បទ​បង្ក​​របួសស្នាម​ដោយ​ចេតនា​មកលើ ​សមត្ថ​កិច្ច។ នេះជា​ករណី​ទី​១ ដែល​បាន​​កើតឡើង​ដោយស្មាន​មិន​ដល់​ដោយ​ក្រុម​​អ្នក​ថត​ខ្សែ​ភាព​យន្ត​ ហើយ​មាន​របួស​ស្នាម​ដល់​នាង​ស្វែង​
សុ​ជាតា ដែលជា​តារា​សំដែង​​មានឈ្មោះ​បោះ​សំលេង​ក្នុង​ចំណោម​តារា​ផ្សេងៗ​ទៀត​ ក្រៅ​ពី​នេះ​នាង​ក៏មានការ​សំដែង​តាម​ស្ប៉ត​អប់រំ​សុខ​ភាព​ជា​ច្រើន​ផងដែរ និង​ចុងក្រោយ​នាង​បាន​សំដែង​រឿង​រលក​សម្លេង ដែល​កំពុង​​បញ្ចាំង​​នៅ​​តាម​កញ្ចក់​ទូរទស្សន៍ CTN។

ការ​ចោទ​​ប្រកាន់​ទៅលើ​ជន​ជាប់​ចោទ​ទាំង​៤​​នាក់នេះ ធ្វើ​ឡើង​បន្ទាប់ពីមានអំពើ​ហិង្សា​​មួយ​កាលពីវេលាម៉ោង​១២​យប់ ថ្ងៃទី​២៩ តុលា ឆ្នាំ​២០១០ នៅ​ក្នុង​បរិវេណ​វត្ត​អធ្វា បង្ក​ឡើង​ដោយ​ក្រុម​អ្នក​ថត​ភាពយន្តរឿង «វេនកម្ម» របស់​​​ផលិត​កម្ម​សាវីន​ប្រូដាកសិន​ដែល​នាំគ្នា​ផឹកស៊ី​ស្រវឹង​អួទីនួ​និយាយ ​គ្នា​លែង​ស្តាប់ និងកើត​ជំលោះ​ពាក្យ​​សំដី​យ៉ាង​តឹង​សរសៃ​ក​ជាមួយ​ម្ចាស់​ផលិត​កម្ម​ រួច​ឈាន​ទៅ​វាយ​សមត្ថ​កិច្ច​ដែលចុះ​​ទៅ​ធ្វើ​អន្តរា​គមន៍​​ឱ្យ​របួស​បែក​ ក្បាល​​ហូរ​ឈាម​ជោក​ខ្លួន​ចំនួន​២នាក់ មុននឹងមាន​ការ​ផ្ទុះអាវុធ​ជា​ច្រើន​គ្រាប់​​បណ្តាល​ឱ្យ​ត្រូវ​តួ​ឯកស្រី​នាង ​ស្វែង សុជាតា។

ជនជាប់​ចោទ​ទាំង​៤នាក់​នោះរួមមាន ១-ឈ្មោះ​អឹម​​ សៀកឡេង ភេទ​ប្រុស អាយុ​២១​ឆ្នាំ ​ជា​និស្សិត​ឆ្នាំ​ទី​៣ ផ្នែក​គីមី​វិទ្យា នៃ​សាកលវិទ្យា​ល័យតិច​ណូ ​​២-​ឈ្មោះ​​ជុំ​ វិឆៃ ​ភេទ​ប្រុស អាយុ​២២​ឆ្នាំ រស់នៅភូមិ​អភិវឌ្ឍន៍​យោធិនពិការ​៣១៧ នៅតាតកែន​​កោះស្លា ខេត្ត​កំពត អ្នក​ទាំង​ពីរ​នេះ​​ជា​អ្នក​ថត​​ភាព​យន្ត​ឱ្យ​ផលិត​កម្ម «សាវីន​ប្រូដា​សិន»។ ៣-ឈ្មោះ​សាយ សុផេង ភេទ​ប្រុស ​អាយុ​២៩​ឆ្នាំ រស់នៅ​ភូមិ​ចុងកៅស៊ូ សង្កាត់​ស្លក្រាម ក្រុង​សៀមរាប និង​៤-​​ឈ្មោះ​ខ្វា​ ផុល អាយុ​៤២​ឆ្នាំ រស់នៅ​​ភូមិជ្រាង សង្កាត់​ជ្រាវ។

ព្រះ​​រាជ​អាជ្ញា​រង​អម​សាលា​ដំបូង​ខេត្ត​សៀម​រាប-ឧត្តរ ​មានជ័យ លោក​តូច សុភក្តី ដែល​ការ​សំណុំ​រឿងនេះ​​បាន​មាន​ប្រសាសន៍​ប្រាប់​កាល​ពី​វេលាម៉ោង​ជិត​១២​ ថ្ងៃ​ត្រង់​ ថ្ងៃ​ទី​៣១ តុលា ថា លោក​បាន​សំរេច​ធ្វើការ​ចោទ​ប្រកាន់​​ទៅលើ​ជន​ទាំង​៤​​នាក់​ខាងលើ ពីបទ​បង្ក​​របួសស្នាម​​ដោយ​ចេត​នាទៅលើ​សមត្ថ​កិច្ច​ ហើយ​សំណុំ​រឿង​នោះ​ លោក​​បានបញ្ជូន​ទៅដល់​ដៃ​លោកចៅ​ក្រម​ស៊ើប​សួរ​រួចហើយនៅវេលា​ម៉ោង​១១​ព្រឹក ថ្ងៃ​ទី​៣១ តុលា ​ដោយ​លោក​ស្នើ​ឱ្យ​មានការ​ឃុំ​ខ្លួន ជនទាំង​៤នាក់​នោះ​ដើម្បីធានា​បាន​នូវ​ការ​ស៊ើប​​អង្កេត។

លោកបាន​បញ្ជាក់​ថា ក្នុង​ចំណោម​ជនជាប់​ចោទ​​ទាំង​៤នាក់​នោះ ឈ្មោះ​អឹម សៀក​ឡេង ត្រូវ​បាន​រក​ឃើញ​ថា​ជា​ជន​ដៃដល់​វាយ​ទៅ​លើ​ជន​រង​គ្រោះ​ចំនួន​ពីរ​រូប​ បណ្ដាល​ឱ្យ​បែកក្បាល​គឺ​លោក​វរ​សេនី​យ៍ត្រី​វូ សុ​ភេ​ន នាយ​រង​មន្ទី​រ​ប្រ​តិ​បត្ដ​ការ​នៃ​បញ្ជាការដ្ឋាន​កងរាជអាវុធហត្ថ​ខេត្ដ​សៀម ​រាប និង​លោក​អនុ​សេ​នីយ៍​ទោ ឆាយ​ រ៉​ង ខណៈ​ពេល​ដែល​ពួក​គាត់​ចុះ​ទៅ​ធ្វើ​អន្ដរា​គម​ន៍​ជម្លោះ​ពាក្យ​សំដី​រវាង​ ក្រុម​ថត​ភាពយន្ដ​ជាមួយ​ម្ចាស់​ផលិតកម្ម​។
ចំណែក​លោក​ទី សុ​វិ​ន​ថា​ល់ ព្រះរាជ​អា​ជា្ញ​អម​​សាលាដំបូង​សៀមរាប​-​ឧត្ដរមានជ័យ ​នៅ​ថ្ងៃ​ដដែល​នោះ​ដែរ​បាន​មាន​ប្រសាស​ន៍​ប្រាប់ថា​​ ជន​ជាប់ចោទ​ទាំង​៤​​នាក់​នោះ​ត្រូវ​បាន​តុលាកា​​រ​សម្រេច​ធ្វើការ​ឃុំខ្លួន​ ជា​បណ្ដោះអាសន្ន​នៅ​ពន្ធនា​គារ ព្រោះ​​មាន​ភស្ដុតាង​មិន​អាច​ប្រកែក​បាន​។

មេបញ្ជាការ​រង​កងរាជអាវុធហត្ថ​ខេត្ដ​សៀម​រាប​ លោក​វរ​សេ​នីយ៍​ឯក ញឹ​ម សិលា បាន​ថ្លែង​ប្រាប់​តាម​ទូរ​សព្ទ័​កាលពី​ព្រឹក​ថ្ងៃ​ទី​៣១​ តុលា ​ថា​ រឿងហេតុ​នេះ​វា​បាន​កើតឡើង​តាំងពី​យប់​ថ្ងៃ​ទី ២៩ តុលា ​មក​ម៉្លេះ​ នៅ​វត្ដ​​អង្វរ ខណៈ​ដែល​​ក្រុម​អ្នក​ថត​ភាពយន្ដ​រឿង​ខ្មោច​របស់​ផលិត​កម្ម​នេះ ពេល​សំរាក​ពួក​គេ​បាន​ធ្វើ​ពិធី​ផឹកស៊ី​នៅ​ក្នុង​វត្ដ លុះ​​ដល់​ស្រវឹង​អួទី​នួ​​ក៏​និយាយ​គ្នា​លែង​ស្ដាប់​រវាង​ក្រុម​កា​ងារ​ ជាមួយ​ម្ចាស់​ផលិតកម្ម។ ​លោក​បាន​បន្ដ​ថា ​ដោយ​​ជម្លោះ​នោះ​​មាន​ស​ភាព​ខ្លាំង​​ក្លា​ពេក​ ម្ចាស់​ផលិតកម្ម​បាន​ប្ដឹង​មក​សមត្ថកិច្ច​​ឱ្យ​ជួយ​អន្ដរា​​គម​ន៍។ ពេល​មន្ដ្រី​លោក​ចុះ​ទៅ​ដល់​ ស្រាប់​តែ​ពួក​នោះ​យក​ដំបង​​ទៅ​វាយ​ក្បាល​មន្ត្រី​​សមត្ថ​កិច្ច​បែកចេញ​ឈាម​ ជោគ​ខ្លួន ទើប​កំលាំង​យើង​សម្រេច​ផ្ទុះអាវុធ​ចំនួន​​​ពីរ​គ្រាប់​ដើម្បី​រំដោះ​ខ្លួន​ ចេញពី​ហេតុ​ការ​ណ៍​​បណ្ដាល​ឱ្យ​គ្រាប់​ត្រូវ​តួឯក​ស្រី​ឈ្មោះ​ស្វែង​ សុជា​តា​ របួស​ចំ​ដៃ​ ហើយ​អ្នក​ដែល​វាយ​មក​លើ​សមត្ថ​កិច្ច​នោះ​រត់​បាត់​អស់ លុះ​ព្រឹក​ឡើង​ទើប​យើង​ចាប់​បាន​៤​នាក់​និង​ចងក្រង​​សំណុំ​រឿង​បញ្ជូន​ទៅ​ តុលា​ការ។

លោក​ប៉ិច សា​វី​ន ​ដែល​អះអាង​ខ្លួន​ថា​ ជា​ថៅកែ​​ផលិតកម្ម​សា​វី​ន​ប្រូ​ដាក​សិន ​ដោយ​​ជួប​រឿង​ចំ​រូង​ចំ​រា​សនា​ពេល​ថត​រឿង​ខ្មោច​នោះ​និយាយ​ថា ក្រុម​​ហ៊ុន​លោក​បាន​ចំណាយ​លុយ​ប្រមាណ​ជាង ៦​ពាន់​ដុល្លា​រ​ក្នុង​ការ​ថត​រឿង​មួយ​ដែល​មាន​ចំណង​ជើង​ថា «វេនកម្ម» ប៉ុន្ដែ​នៅ​ឈុត​បញ្ចប់​ដែល​មាន​រយៈ​ពេល​​ប្រមាណ​ជា​២​ទៅ៣​នាទី​តែ​ប៉ុណ្ណោះ​ យើង​ត្រូវ​ជ្រើសរើស​ទីតាំង​វត្ដ​អ​ធា្វ​​នេះ​ដើម្បី​ថត​ស្រាបតែ​ជួប​រឿង​ដ៏​ អាក្រក់​បែប​ហ្នឹង​។ ​លោក​បាន​បញ្ជា​ក់​បន្ថែម​ថា រឿងហេតុ​វា​កើតឡើង​ដោយសា​រ​តែ​​​បាន​​នាំ​គ្នា​ផឹកស៊ី និង​ចាក់​ធុងបាស់កងរំពង​ផ្អើល​អស់អ្នក​ភូមិ ហើយ​លោក​បាន​តំរូវ​ឱ្យ​បញ្ឈប់​ជា​ច្រើន​ដង​ តែ​គេ​មិន​ស្ដាប់ ផ្ទុយ​ទៅ​វិញ​​ពួក​គេ​​បាន​ហៅ​ក្មេង​កាង​ប្រចាំ​ភូមិ​មក​ស្ទាក់ផ្លូវ​ក្នុង​ បំណង​វាយ​​រូប​លោក​ទៀត ទើប​​​លោក​ប្ដឹង​សមត្ថកិច្ច​ប៉េអឹ​ម​ឱ្យមក​ជួយ​អន្ដរា​គម​ន៍​។

លោក​បាន​បញ្ជាក់​ទៀត​ថា ​នៅ​ពេល​ដែល​សមត្ថកិច្ច​ចុះ​មក​ដល់​ក្រុមការងារ​មួយ​ចំនួន​បាន​បញ្ឈប់ និង​ចូល​ទៅ​កន្លែង​ស្នាក់​នៅ​អស់ហើយ នៅ​សល់​តែ​មួយ​ចំនួន​​ខ្លះ​កាន់ដំបង​វែង-ខ្លី​ បាន​សំរុក​វាយ​មក​លើ​ក្រុម​សមត្ថកិច្ចរ​ហូ​ត​ដល់​បែក​ក្បាល​ទើប​មានការ​ ផ្ទុះអាវុធ​ត្រូវ​ចំ​ដៃ​តួ​ឯក​ស្រី ស្វែង សុជាតា មួយ​គ្រាប់​។

ឆ្លើយ​ទៅ​នឹង​សំណួរ​ដែល​សួរ​ថា «​តើ​ក្នុង​នាម​ជា​ម្ចាស់​ផលិតកម្ម លោក​មាន​បំណ​ង​ជួយ​ធានា​ជន​ជាប់ចោទ​ទាំងនោះ​ឱ្យ​នៅ​ក្រៅ​ឃុំ​ដែរ​ឬ​យ៉ាងណា? លោក​ប៉ិច សា​វី​ន ឆ្លើយ​​​ថា​ អត់​ទេ រឿង​ទាំងអស់​ហ្នឹង​អ្នក​ណា​ប្រព្រឹត្ត​អ្នក​នោះ​ទទួលទោស​ទៅ​តាម​ច្បាប់​ចុះ ព្រោះ​ករណី​វាយ​ទៅ​លើ​សមត្ថកិច្ច​ដែល​ចុះ​ធ្វើ​ប្រតិបត្ដិការ​​ មិនមែន​ជា​រឿង​ធម្មតា​ទេ​។​ លោក​បន្ដ​ថា ​រឿង​នេះ​បើ​មា​នបញ្ហា​បែប​​ហ្នឹង​វា​មិន​អាច​ដំណើ​រ​ការ​​ថត​បញ្ចប់​សាច់​ រឿង​បាន​ទេ៕

ខ្លាច​ប្តី​ចុង​លែង បង្ខំ​កូន​​ស្រី​ឱ្យ​​ប្តី​​ចុង​រំលោភ

ដោយ ៖ កោះឯករាជ្យ

ម្តាយបង្កើតដែលវាយបង្ខំកូនស្រីអោយប្តីចុងរំលោភ និងប្តីចុងល្មោភកាមគុណ ក្មេង​ស្រីរងគ្រោះដែល​មាន​​វ័យ​ត្រឹម​តែ​១៣​ឆ្នាំ
(រូបថត​ ឫទ្ធិសែន)

ម្តាយបង្កើតដែលវាយបង្ខំកូនស្រីអោយប្តីចុងរំលោភ និងប្តីចុងល្មោភកាមគុណ

 

ខេត្ត​កំពង់​ឆ្នាំង ៖ ជា​អំពើ​អគតិ​មួយ​ដែល​ស្ទើរ​តែ​ស្មាន​មិន​ដល់​ថា អ្នក​ម្តាយ​ដែល​ខ្លាច​ប្តី​ក្រោយ​​របស់​ខ្លួន​លែង​លះ​ បែរ​ជា​ចាប់​បង្ខំ​កូន​ស្រី​ដែល​មាន​​វ័យ​ត្រឹម​តែ​១៣​ឆ្នាំ ឱ្យ​​បុរស​ជា​ប្តី​ធ្វើ​ជា​​ចំណី​តណ្ហា​ ដោយ​បាន​វាយ​ដំ​បង្ខំ​​នាង​​យ៉ាង​អមនុស្ស​ធម៌​ប្រៀប​ដូច​សត្វ​ធាតុ។ នេះពិត​ជា​សង្វេគ​​ពេក​ណាស់​ចំពោះ​ក្មេង​ស្រី​អាយុ​១៣​ឆ្នាំ ដែល​ពុំ​ទាន់​ដឹង​​អ្វី​​ទាល់​តែ​សោះ ប្រៀប​ដូច​ចុះ​ទឹក​​ក្រពើ​ឡើង​លើ​ខ្លា។ ​ទី​បំផុត​ ដោយ​សារ​តែ​ការស៊ូ​ទ្រាំ​ក្តី​ឈឺ​ចាប់​ខ្លោច​ផ្សា​​តទៅ​ទៀត​លែង​បាន ​នាង​បាន​រត់​ទៅ​សុំ​​ផ្ទះ​ជីតា​​​ដេក ហើយ​ក៏​​​បែក​ការណ៍​​​ដល់​ប៉ូលិស​ ទើប​មាន​ការ​ចាប់​ខ្លួន​ពីរ​នាក់​ប្រពន្ធ​ប្តី មក​ផ្តន្ទា​ទោស​។

រឿង​រ៉ាវ​យ៉ាង​អាក្រក់​នេះ​ ២​នាក់​ប្តី​ប្រពន្ធ​ត្រូវ​បាន​ប៉ូលិស​ការិយា​ល័យ​ប្រឆាំង​ការ​​ជួញ​ដូរ​ មនុស្ស និង​ការ​ពារ​អនីតិ​ជន​​នៃ​ស្នង​ការ​​ដ្ឋាន​នគរ​បាល​ខេត្ត​ធ្វើ​ការ​ ចាប់ខ្លួន​កាល​ពី​ថ្ងៃ​ទី​២៩ តុលា ដោយ​ចោទ​ប្រកាន់បុរស​ជា​ប្តី​ពី​បទ​ចាប់​រំលោភ​លើ​កូន​ចុង​អាយុ​១៣​ឆ្នាំ​ និង​​ស្ត្រី​ជា​ប្រពន្ធ​ជាប់​ចោទ​ថា បាន​សម​គំនិត​ដោយ​វា​យ​បង្ខំ​កូន​ស្រីរបស់ខ្លួន​ឱ្យ​ទៅ​ប្តី​ចុង​ចាប់​​ រំលោភ​ជា​ច្រើន​ដង។ អំពើ​គម្រក់​បែប​នេះ បាន​កើត​ឡើង​​ក៏​ព្រោះ​តែ​ប្តី​ចុង​រូ​បនោះ​បាន​គំរាម​ស្ត្រី​ជា​ប្រពន្ធ​ ថា«បើ​មិន​ឱ្យ​អញ​រំលោភ​កូន​ឯង​ទេ អញ​នឹង​លែង​នាង​ឯង​ចោល»។

លោក​ស្រី​ប្រាក់ សៅនី ប្រធាន​​ការិយា​ល័យ​ប្រឆាំង​ការ​ជួញ​ដូរ​មនុស្ស និង​ការ​ពារ​​អនីតិ​ជន​នៃ​ស្នង​ការ​ដ្ឋាន​​នគរ​បាល​ខេត្ត​បាន​​និយាយ​​ឱ្យ​ ដឹង​ថា បុរស​ជា​ប្តី​ឈ្មោះ​នុត សៀង អាយុ​៣៤​ឆ្នាំ ចំណែក​ឯ​ប្រពន្ធ​ឈ្មោះ​កែវ រឿន អាយុ​៣៧​ឆ្នាំ មាន​​ទី​លំនៅ​ភូមិ​សន្ទៃ ឃុំ​ពង្រ ស្រុក​រលា​ប្អៀរ។ ស្ត្រី​រូប​នេះ​ជា​ស្រី្ត​មេ​ម៉ាយ​មាន​កូន​២​នាក់​ កូន​ស្រី​បង​អាយុ​១៣​ឆ្នាំ ជា​ជន​រង​គ្រោះ និង​កូន​ប្រុស​ប្អូន​អាយុ​៩​ឆ្នាំ។ ស្ត្រី​រូប​​នេះ​​ទើប​​​បាន​ប្តី​​ហេង​ស៊យ​ក្រោយ​ឈ្មោះ​នុត សៀង នេះ ​តែ​ក្នុង​រយៈ​​ពេល​៨​ទៅ​៩​ខែ​​ប៉ុណ្ណោះ​មុន​ពេល​មាន​រឿង​ ​​ដែល​ជា​​មនុស្ស​ខ្ចាត់​ព្រាត់​មក​ពី​ខេត្ត​កំពង់​ស្ពឺ។

លោក​ស្រី​បាន​រៀប​រាប់​នូវ​ដំណើរ​រឿង​មុន​ពេល​មាន​ការ​ បង្ក្រាប​នោះថា ក្រោយ​ពី​ក្មេង​ស្រី​រង​គ្រោះ​រត់​ទៅ​សុំ​ផ្ទះ​ជីតា​ដេក ហើយ​​ជីតា​សួរ​​នាំ​ទើប​​នាង​​រៀប​រាប់​ដំណើរ​​រឿង​ដែល​ម្តាយ​បង្កើត​ឱ្យ​ រូប​នាង​ដេក​ជា​មួយ​​​ឪពុក​ចុង។ ពេល​បាន​ដឹង​​រឿង​រ៉ាវ​សព្វ​គ្រប់​ទើប​ព័ត៌​មាន​នេះ​បាន​ដឹង​ដល់​លោក​សូ តុត ជា​អនុ​​​ប្រធាន​ភូមិ​សន្ទៃ ហើយ​លោក​អនុ​​ប្រធាន​ភូមិ​បាន​ទូរស័ព្ទ​​​មក​ការិយា​ល័យ​​របស់​លោក​ស្រី​តាម ​រយៈ​ខ្សែ​ទូរស័ព្ទ​ហត​ឡាញ លោក​ស្រី​ក៏​បាន​ឱ្យ​លោក​មេ​ភូមិ​នាំ​ក្មេង​ស្រី​រង​គ្រោះ​មក​សាក​សួរ ក៏​បាន​ដឹង​រឿង​ច្បាស់​លាស់់ ទើប​​រាយ​ការណ៍​​ជូន​លោក​ស្នង​ការ។ លោក​ឧត្តម​សេនីយ៍​ត្រី អាត់ ខែម ស្នង​ការ​នគរ​បាល​ខេត្ត​ ក៏​បាន​បញ្ជា​ឱ្យ​លោក​ស្រី​ដឹក​នាំ​កំលាំង​ប៉ូលិស​ចុះ​ឃាត់​ខ្លួន​ដោយ​សុំ​ ដីកា​ដែល​បាន​ចេញ​ដោយ​​លោក​ពេញ វិបុល ព្រះ​​​រាជ​អាជ្ញា​អម​សាលា​ដំបូង​ខេត្ត​​បង្គាប់​ឱ្យ​នាំ​ខ្លួន​ទាំង​ពីរ​ នាក់​ប្តី​ប្រពន្ធ​មក​សាក​សួរ​តាម​នីតិ​វិធី​ច្បាប់ ដោយ​​ស្ត្រី​ជា​ប្រពន្ធ​ចាប់​នៅ​ភូមិ​សន្ទៃ ចំណែក​បុរស​ជា​ប្តី​ចាប់​នៅ​​ភូមិ​ក្រាំង​ស្គា ស្រុក​ទឹក​ផុស ជា​កន្លែង​ដែល​បុរស​រូប​នោះ​ស្នាក់​នៅ​ធ្វើ​ជាង​ជួស​ជុល​​ម៉ាញ៉េ និង​ទូរទស្សន៍។

លោក​ស្រី នាយ​ការិយា​ល័យ​ បាន​ស្រង់​សំដី​ក្មេង​ស្រី​រង​គ្រោះ​ ដែល​បាន​រ៉ាយ​រ៉ាប់​ដំណើរ​រឿ់ង​ថា ​នាង​មិន​ចាំ​ថ្ងៃ ប្រហែល​ក្នុង​អំឡុង​ខែ​កញ្ញា ​យប់​មួយ​នោះ ឪពុក​ចុង​​នាង​រក​ល្បិច​ឱ្យ​ម្តាយ​នាង​ទៅ​ទិញ​បារី​ឱ្យ​។ ពេល​ម្តាយ​ចេញ​ផុត​ ឪពុក​ចុង​នាង​បាន​ចាប់​នាង​រំលោភ​តែ​​មិន​បាន​សំរេច​ទេ ដោយ​​នាង​ប្រឹង​រើ​រហូត​រហែក​ខោ​អាវ​អស់ ហើយ​ម្តាយ​នាង​ក៏​មក​ទាន់។ ប្រហែល​មួយ​អាទិត្យ​ក្រោយ​មក​ស្រាប់​តែ​ម្តាយ​នាង​បាន​និយាយ​ពន្យល់​ប្រាប់​ នាង​ថា«ឥឡូវ​​អញ​គ្មាន​កូន​ជា​មួយ​​​ឪពុក​ចុង​ឯង​ទេ ឯង​ត្រូវ​យក​ឪ​ពុក​ចុង​នោះ​ធ្វើ​ប្តី​​ទៅ​ ព្រោះ​គេ​មាន​​កេរ​អាករ​ច្រើន​ណាស់​ ម្យ៉ាង​ទៀត​គេ​​គំរាម​លែង​ម៉ែ​ចោល បើ​មិន​ឱ្យ​គេ​ដេក​ជា​មួយ​ឯង ឥឡូវ​កូន​ឯង​តាម​ម៉ែ​ទៅ​អី»។ នៅ​យប់​​នោះ​​ម្តាយ​នាង​បាន​​បង្ខំ​នាង​ឱ្យ​ទៅ​ដេក​ក្នុង​បន្ទប់​ជា​មួយ​ ឪពុក​ចុង តែ​នាង​មិន​ព្រម​ ស្រាប់​តែ​ម្តាយ​​នាង​បាន​យក​ខ្សែ​ភ្លើង និង​ខ្សែ​ក្រវាត់​ដេញ​វាយ​នាង។

បន្ទាប់​មក​ឪពុក​ចុង​នាង​បាន​ចាប់​ដៃ​នាង​ចូល​ក្នុង​ បន្ទប់ ហើយ​ចាប់​នាង​រំលោភ ​នាង​ប្រឹង​ស្រែក​យំ និង​រើ​បំរះ​ហៅ​ឱ្យ​គេ​ជួយ ប៉ុន្តែ​ម្តាយ​នាង​មិន​ត្រឹម​តែ​មិន​អាណិត​នាង​ទេ ​ថែម​ទាំង​បើក​ទ្វារ​បន្ទប់​កាន់​ខ្សែ​ក្រវាត់​មក​សម្លុត​គំរាម​នាង​ថា បើ​មិន​ដេក​ជា​មួយ​គេ​ជា «ប្តី» ទេ អញ​វាយ​នាង​ឯង​ឱ្យ​ងាប់។ យប់​នោះ​​ឪពុក​​ចុង​នាង​រំលោភ​នាង​បាន​សំរេច។ លុះ​ក្រោយៗ​មក​ទៀត​នាង​ត្រូវ​ម្តាយ​​បង្ខំ​ឱ្យ​​ដេក​ជា​មួយ​ឪពុក​ចុង​ រាល់លើក​នៅ​ពេល​ឪពុក​ចុង​ត្រឡប់​មក​ពី​ធ្វើ​ម៉ាញ៉េ​នៅ​ភូមិ​ក្រាំង​ស្គាវិញ។ ​ ឪពុក​​ចុង​នាង​ជា​ជាង​ធ្វើ​ម៉ាញ៉េ​នៅ​ចំណុច​ស្ថានីយ​រថភ្លើង​ក្រាំង​ស្គា ៤-៥​​ថ្ងៃ​ ទើប​ត្រឡប់​មក​ផ្ទះ​​ម្តង។ ពេល​​មួយ​នោះ​ឪពុក​ចុង​នាង​បាន​យក​នាង​ទៅ​កន្លែង​ស្នាក់​នៅ​​ធ្វើ​ម៉ាញ៉េ​៤​ ថ្ងៃ​រំលោភ​នាង​៤​​ដង​ដែរ ។​ នាង​ទ្រាំ​​ការ​ឈឺ​ចាប់​មិន​បាន​ ទើប​រត់​ទៅ​ផ្ទះ​ជីតា​ជា​ឪពុក​​របស់​ម្តាយ​បង្កើត​​នាង។

តាម​ការ​សារ​ភាព​របស់​ឪពុក​ចុង​រូប​នោះ​​មាន​​ដូច​​ការ​ រៀបរាប់​របស់​កូន​ចុង​មែន ប៉ុន្តែ​បាន​ប្រកែក​ថា រាល់​ពេល​ដេក​ជា​មួយ​កូន​​ចុង​នោះ គឺ មិន​បាន​​បង្ខំ​ឡើយ។ ចំណែក​ម្តាយ​បង្កើត​ដែល​មិន​​សម​មាន​ឈ្មោះ​ជា​អ្នក​ផ្តល់​កំណើត​​ឱ្យ​​កូ​ នស្រី​នោះ​​បាន​សារ​ភាព​ថា គាត់​ត្រូវ​ប្តី​គំរាម​លែង​លះ​ចោល​ បើ​មិន​ឱ្យ​ដេក​ជា​មួយ​កូន​ស្រី និង​មិន​ត្រឹម​តែ​ប៉ុណ្ណោះ ប្តី​ចុង​រូប​នោះ​ក៏​​បាន​គំរាម​សំលាប់​ចោល​ទៀត​ផង។ នេះ​ជា​អំពើ​អគតិ​មួយ​ដែល​ច្បាប់​គួរ​ដាក់​ទោស​២​​នាក់​ប្តី​ប្រពន្ធ​នេះ​ ឱ្យ​ធ្ងន់​ធ្ងរ តើ​ស្ត្រី​ក្នុង​លោក​យើង​នេះ​មាន​ម្តាយ​ណា​ដែល​មាន​ចរិត​ព្រៃ​ផ្សៃ​លើ​កូន​ ស្រី​ឯង​ដូច​ស្ត្រី​រូប​នេះ។ ទាំង​ពីរ​នាក់​ប្តី​ប្រពន្ធ​ត្រូវ​បាន​ប៉ូលិស​កសាង​សំណុំ​រឿង​ទៅ​តុលា​ការ​​ ហើយ​ដើម្បី​ដាក់​ទោស​តាម​ច្បាប់៕