មាន​ការ​ចាប់​ទាហាន​នៅ​ខេត្ត​ប៉ៃលិន!

យោង​តាម​សាច់ញាតិ​ខ្ញុំ​នៅ​ក្រុង​ប៉ៃលិន​និង​កំរៀង​បាន​និយាយ​ថា៖ នៅ​ទីនោះ​បច្ចុប្បន្ន​កំពុង​មាន​ការ​ដើរ​ចាប់​ទាហាន​តាម​ភូមិ​និង​ផ្ទះ​នីមួយៗ​ដោយ​ក្មេង​ប្រុស​ដែល​មាន​អាយុ​ពី​២០​ឆ្នាំ​ឡើង​ទៅ នឹង​ត្រូវ​ចាប់​យក​ទៅ​ហ្វឹកហាត់​ធ្វើ​ទាហាន ។ ខ្ញុំ​ស្ទើរតែ​មិន​ជឿ​ថា​សម័យ​សតវត្ស​ទី​២១​ហើយ​នៅ​មាន​ចាប់​ទាហាន​ដូច​ទសវត្ស​ឆ្នាំ​១៩៨០​ទៀត!

ស្នូរ​គ្រាប់​ផ្ទុះ!

នៅ​ភូមិ​ត្មាត​ប៉ើយ​ចម្ងាយ​ប្រមាណ​ជា​៦០គ.ម ពី​ព្រំដែន​ ជា​កន្លែង​ខ្ញុំ​នាំ​ទេសចរ​ទៅ​មើល​សត្វ​ត្រយងយក្ស​ឬ​ឪលើក មាន​ស្នូរ​គ្រាប់​ទ្រហឹង​ដូច​ភ្លេង​ប្រគំ​ឡើង​មិន​ដាច់​សោះ! នៅ​ថ្ងៃ​ទី​១០-០២-២០១១ ក្រុម​ការងារ​ពី​មជ្ឈមណ្ឌល​សំវាសនា​ដើម្បី​ការ​អភិរក្ស​សត្វព្រៃ​នឹង​ចុះ​ទៅ​ទីនោះ​រយៈពេល​មួយ​សប្ដាហ៍​ទៀត ។ អ្នក​ភូមិ​បាន​រាយការណ៍​ពី​ផ្សែងពុល​ដែល​ជះ​មក​ដល់​ទី​នោះ! ប្រជាជន​ជា​ច្រើន​ត្រូវ​បាន​គេ​ជម្លៀស​ចេញ​ពី​តំបន់​ដែល​នៅ​ក្បែរ​ព្រំដែន​មក​នៅ​ម្ដុំ​ភូមិ​ថ្នល់​ចែក​ចម្ងាយ​ប្រមាណ ៦០គ.ម​ពី​ត្បែង​មានជ័យ​ត្រង់​ផ្លូវ​បំបែក​មក​ភូមិ​ស្រយង់​និង​ប្រាសាទ​កោះកេរ្តិ៍ ។