ដោយសារមានអ្នកសរសេរមកខ្ញុំថាចង់ឃើញរូបសត្វឪឡដែលគ្រប់គ្នាដំណាលថាជាសត្វសាហាវមានសំឡេងខាបយកព្រលឹងនោះ ខ្ញុំក៏សម្រេចចិត្តដាក់ឲ្យមើលចុះ ។ សត្វនេះវាមិនកាចឬមានអំណាចខាបយកព្រលឹងមនុស្សឲ្យស្លាប់ដូចមានដំណាលនោះទេ អ្វីៗគឺសុទ្ធតែជារឿងគួបជួនប៉ុណ្ណោះ! សត្វនេះវានៅព្រៃ ដល់ពេលមនុស្សទៅនៅព្រៃគ្រុនចាញ៉មានជំងឺ បានឮសត្វនេះយំដោយមានសំឡេងខ្លាំងគួរឲ្យរន្ធត់និងដោយសារតែជំនឿថាពេលណាសត្វនេះយំ នឹងមានមនុស្សស្លាប់ ម្ល៉ោះហើយក៏កើតក្ដីអស់សង្ឃឹមរួចធ្លាក់ខ្លួនឈឺធ្ងន់ទៅៗរហូតបាត់បង់ជីវិត រួចក៏ដាក់កំហុសទៅលើសត្វនោះ! ខ្ញុំរស់នៅព្រៃស្ទើរមួយជីវិតហើយ គ្មានរឿងបែបនោះកើតឡើងចំពោះមនុស្សដែលនៅជុំវិញខ្ញុំទេ!
សូមមើលសត្វនេះមើល វាធំប៉ុនណា?
ខេមរបក្សីសាស្ត្រិន | Khmer Ornithologist 
អរគុណបង! សត្វនេះឈ្មោះពិរោះណាស់!
អរគុណក្មេងស្រែ ដែលបានបញ្ជាក់ ខ្ញុំចង់ឃើញសត្វ ឪឡ តែមិនមែនសត្វ ដូចខាងលើទេ ប៉ុន្តែខ្ញុំមិនអាចអះអាងបាន ពីព្រោះកាលខ្ញុំបានឃើញវា ក៏មិនមែនជិតដែរ គឺពួកវានៅលើចុងឈើ ប្រហែលជាខ្ទង់ ២០-៣០ ម៉ែត្រ ពីខ្ញុំ តែនៅពេលដែលពួកវា មកយំ ពេលយប់ជិតមែនទែន លើក្បាល ពួកខ្ញុំ ប្រហែលជា ២-៣ ម៉ែត្រប៉ុណ្ណោះ តែយើងមើលវាមិនឃើញ ដោយ ពេលងងឹតខ្លាំងពេក ខ្ញុំបានត្រឹមតែយកអង្កត់ឱស ដែលមានភ្លើង ចោល ដាក់ពួកវា គឺមិនហ៊ានបាញ់ទេ ខ្លាចពួកទាហានសៀមផ្លោងដាក់ ហើយ ម្យ៉ាងយើងលាក់ការណ៍ផង តែនៅពេលថ្ងៃដែលខ្ញុំឃើញសត្វនោះ ដូចជា មិនដូចទីទុយទេ រាងដូចសត្វមាន់ព្រៃ គឺពណ៌ក្រហម ហើយវាហើរឆ្លេរឆ្លារ ពីដើមឈើមួយទៅដើមឈើមួយ រាងរហ័សរហួនណាស់ មិនមែនយឺតៗ ដូចសត្វទីទុយទេ ។ សត្វនោះវាហើរឆ្លេឆ្លា ដោយសារវាឃើញពួកខ្ញុំ កំពុងសែងអ្នកស្លាប់នឹងរបួស ៦ នាក់ ដែលផ្ទុះមីនខ្លួនឯងកាលពីព្រឹក នៅអូរទិព្វសូដា ខាងត្បូងភ្នំព្រឹក ចឹងទម្រាំពួកគេសែងមកដល់កន្លែងខ្ញុំ វាម៉ោង ៤ ល្ងាចទៅហើយ ចឹងបានឃើញសត្វនោះមិនច្បាស់ តែសម្លេង វាធ្វើឱ្យខ្ញុំព្រឺក្បាលព្រឺខ្លួនខ្ញាកៗ ខ្លាំងណាស់ ហើយវាមិនដែលបានជួប ប្រទះសត្វនោះដែរទេ កាលពីមុនមក ទើបតែពេលនោះឯង ហើយពួកវា មកយំលើក្បាលពួកខ្ញុំ នៅពេលយប់នោះ ដូចមកប្រាប់ថានឹង មានមនុស្ស ស្លាប់នៅពេលព្រឹកចឹង ។ ហើយសត្វស្លាបដែលខ្ញុំថា ធំណាស់នោះ ជាសត្វ ជម្ពូវាំង នេះបើតាមគេប្រាប់ខ្ញុំកាលពេលនោះ សត្វស្លាបនោះធំ មែន ពីព្រោះផ្លូវលំ ដែលឡានទាហានបើបាន មិនទើស ស្លាបវាប៉ុនផ្លូវនោះ ឯង ពីព្រោះវាញីរឈ្មោល ត្រដាងស្លាបបន្ទាបខ្លួនចុះ ហើយខ្ញុំរកបាញ់ ក៏មិនទាន់ដែរ នៅពេលដែលខ្ញុំកំពុងដើរ ល្បាតតាមផ្លុវនោះ ។
តាមតាប្រាប់, គាត់ថាសត្វ ឪឡ (មិនមែនជាសត្វមៀម ទីទុយ នោះទេ) មានមាឌធំ, ធំជាងក្ងានពីរ ឬ បីដង, វាតែងទំលើដើមឈឺខ្ពស់ៗហើយយំលឺយកតាមែនទែន ។ ទើបតែដឹងថា វាជាសត្វមៀម ទីទុយចឹងសោះ!
ទេ! មើលរូបទៅដូចជាតូចទេ តែដល់ថាធំជាងក្ងាន 2-3ដង ពិតជាមិនគួរអោយជឿ មែន!! ណាមួយខ្ញុំមិនដែលបានឃើញផង!
សត្វឪឡក្របីហ្នឹងតូចទេដូចក្នុងរូបហ្នឹងហើយ! ដែលថាប៉ុនក្ងាននោះ អង្គរក្សខ្ញុំ គាត់ឃើញសត្វផ្សេងទេ!
ខ្ញុំគិតចឹងដែរ!