អង្គុយៗលេង ស្រាប់តែនឹកដល់កាលពីក្មេងៗដែលធ្លាប់លេងល្បែងជាច្រើន ហើយក្មេងបច្ចុប្បន្នមិនលេង ហើយគេរើសយកល្បែងលើកុំព្យូទ័រ ។ល។ មកជំនួសវិញ ។ ល្បែងដែលខ្ញុំលេងគឺមានសូត្រជាបទដូចជា៖ ត្រាយត្រកត្រាយត្រុំ ពុកធ្វើនំកូនធ្វើតំបែ ពុកធ្វើស្រែ កូនកាប់ចម្ការ ពុកបាញ់ខ្លាកូនបាញ់ដំរី ពុកទូលល្អីកូនទូលកញ្ជើ ពុកឡើងឈើកូនចាក់ពីក្រោម ពុកលេចផោមបែកក្បាលកូនភុស ។ 🙂 និង លេងពួនយួនចាប់ លេងចម្បាប់ម៉ែវ៉ៃ លេងកន្ត្រៃមុតមាត់ លេងរំពាត់ឈើខ្នង លេងដំបងបែកក្បាល លេងផាលមុតជើង លេងកាំភ្លើងតៃហោង ។ ថែមទាំងមាន៖ ឡុកឡាក់ស៊ីបាយឡុកឡាក់ ជក់ថ្នាំខ្លាំងណាំអេកណាំអក កូនកញ្ចកវ៉កកន្ទ្រប់បាយអ៊ុង ។ ហើយក៏មាន៖ ចាក់ទឹកដូងមីឡូងមីឡែ កន្ទុយមាន់ចែពាក់អាវក្រពើ ក្រពើជិះសេះខ្ញុំជិះដំរី ក្រពើកងកីខ្ញុំកងកាក់ ក្រពើចាក់ច្រវាក់ខ្ញុំចាក់ម្ចុល ក្រពើទុលមុល ខ្ញុំពងប្រិច ។ គួរឲ្យអស់សំណើចកាលសម័យនោះ ហើយក៏គិតថាបន្តិចទៀតលែងមានពាក្យប្រដេញគ្នាបែបនេះសម្រាប់ក្មេងលេងទៀតហើយមើលទៅ!
នឹកឃើញល្បែងលេងបិទពួនពីក្មេង
ខែតុលា 28, 2011 ដោយ ខេមរបក្សីសាស្ត្រិន
Advertisements
6 ចំលើយ
ឆ្លើយតប
ប្រតិទិនចន្ទគតិខ្មែរ
ព្យាករណ៍អាកាសធាតុកម្ពុជា
Facebook
បណ្ណសារ
ចំណាត់ក្រុម
ខែតុលា 2011 ព ព្រ សុ ស អា ច អ « សីហា វិច្ឆិកា » 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 -
អត្ថបទផ្សាយថ្មីៗ
១ ២ ៣ លេងដីកើតមេរោគ, លេងលោកបាប, លេងចាបបោច, លេងខ្មោចលង, លងពងហួល, លេងពួរដាច់, លេងអាចម៍ស្អុយ, លេងលុយចាយ, លេងបាយស៊ី, លេងឃ្លីបាញ់, លេងខ្លាញ់ឆា, លេងខ្លាស៊ី, មេម៉ាយកូនពីរជូរអែមៗ ។ 😆
ខ្ញុំនឹកស្រុកដល់ហើយ នេះធ្វើអោយខ្ញុំ ចងចាំកាលនៅ បថមវ័យ រាល់ពេលខែភ្លឺ គឺពួកខ្ញុំនាំគ្នាចេញលេងមុខផ្ទះ (អុជចង្កៀងគ្មានភ្លើងអគ្គីសនីទេ) យកដីខ្សាច់រោយលើថ្នល់ ធ្វើជាខួង (ល្បែងដេញចាប់ពេលឆ្លងកាត់ខ្សែរ) សម័យនោះ(ទាហ៊ានយួនពេញស្រុក) មិនមានការធ្វើដំណើរពេលយប់ទេ ម្លោះហើយយប់ឡើងនាំគ្នាលេងតែលើថ្នល់ សប្បាយណាស់ លេងពួន លេង ធ្វើខ្មោចលង ។ល។
មែនហើយ នេះជាអារម្មណ៍មនុស្សខ្មែរមិនអាចបំភ្លេចស្រុកខ្លួនបបាន! ព្រោះវាសម្បូណ៌អនុស្សាវរីយ៍ណាស់!
តាមខ្ញុំរៀនពីគ្រូខ្ញុំ ពាក្យដើមគឺ “ចាក់ទឹកដូង រំលងសីមា” ហើយមានអត្ថន័យ ចង់ដៀលក្សត្រខ្មែរ ដែលយកប្រពន្ធសាសន៍ដទៃ។
អរគុណ ចុះដាក់ឲ្យចប់មើល តើគ្រូគាត់បានប្រាប់ថាម៉េចខ្លះទៀត?
We covul’de done with that insight early on.